Aldea Sostible de Covo, no Incio, 16 vivendas pasivas coa permacultura como filosofía

O proxecto de 'Aldea Sostible de Covo' inclúe a construción de 16 vivendas sostibles, así como a rehabilitación dalgunha casa da mesma aldea que destinarán tanto á venda, como ao aluguer con fins turísticos. Esta semana fíxose a presentación do proxecto por parte dos promotores, un deles o veciño de Eirexalba, Danny Ray Portilla.

Casa Pasiva Proxecto Aldea de Covo / aldeadecovo.com

A Aldea de Covo está situada en Eirexalba, unha zona rural do Concello do Incio, Lugo. O proxecto de aldea sostible cobre máis 20 mil metros cadrados e inclúe 16 vivendas pasivas que optimizarán os recursos existentes para reducir ao mínimo o consumo de enerxía. Cada vivenda terá o seu propio horto permacultura. A permacultura é a filosofía de traballar coa natureza, en lugar de na súa contra; así poderase contar cun horto ecolóxico cuxo esforzo de mantemento sexa moito menor do normal.

A casa pasiva e a permacultura, unha combinación perfecta

Os cinco principios básicos das casas pasivas son: Excelente illamento térmico, xanelas e portas de altas prestacións, ausencia de pontes térmicas, ventilación mecánica con recuperación de calor e estanqueidad ao aire. Os edificios Pasivos están deseñados para aforrar un 75% nas necesidades de calefacción e refrixeración.

Aldea Sostible do Covo / concello do Incio

A permacultura busca integrar a paisaxe coas persoas, na súa concepción máis xeral, é o deseño e mantemento consciente de sistemas produtivos agrícolas que imitan a diversidade, a estabilidade e a resiliencia dos ecosistemas naturais:

  • Covo posúe unha contorna rebosante de natureza.
  • Preparan a túa horta vinculada á túa vivenda.
  • Permanente labor titorial e de acompañamento no cultivo da horta.
  • O cultivo harmónico da terra ofrecerá os seus froitos.

DEIXAR UN COMENTARIO

Please enter your comment!
Please enter your name here