HomeCulturaO Incio acolle a música e cultura dub na primeira edición do...

O Incio acolle a música e cultura dub na primeira edición do festival Tremeterra

Botará a andar na xornada do venres 2 de setembro, día no que a escena feminina do dub será a absoluta protagonista.

Publicado o

- Advertisement -

O municipio do Incio acollerá este fin de semana a primeira edición do festival Tremeterra, que terá a cultura dub e ‘soundsystem’ como protagonista durante dous días de música, debates e talleres ás beiras do encoro de Vilasouto.

A cita, totalmente gratuíta e que contará con espazo de acampada, é o primeiro festival do norte da península dedicado en exclusiva á cultura ‘soundsystem’. Botará a andar na xornada do venres 2 de setembro, día no que a escena feminina do dub será a absoluta protagonista.

Lioness Mathilda, Minas Collective, Yare Colectiva e Helen Noise, acompañadas de Moon Mermaid ao micrófono, serán as encargadas de pór a música no equipo dos composteláns Dub Mono HiFi, colectivo organizador dun festival que nace coa vocación de ensanchar o movemento ‘soundsystem’ a nivel galego e levalo a espazos pouco habituais para a escena, como as poboacións rurais.

A segunda e última xornada terá un marcado carácter internacional ao contar como pratos fortes ao produtor e ‘emcee’ francés Itist, á suíza Esaia e ao tamén galo Ishiban. O acento galego poñerano O Tobo, SkankFu HiFi e os anfitrións Dub Mono, encargados de abrir e pechar a pista de baile do sábado.

Ademais de música, Tremeterra ofrece unha serie de actividades paralelas, como talleres sobre composición de dub en directo e debates acerca da escena soundsystem en Galicia ou a situación das artistas femininas no panorama musical.

Esta mesa, na que participarán as artistas da primeira noite do festival, será gravada para a súa emisión no podcast O Tobo, dedicado á música reggae.

ÚLTIMAS

En xullo comezan a funcionar en Trascastro apartamentos turísticos rurais

O Concello do Incio contará o vindeiro mes de xullo cun novo proxecto turístico...

Foliada Guímara este venres en Fornelas

As Foliadas Guímaras son unha iniciativa do Concello da Pobra do Brollón co obxectivo...

Oferta pública de ciclos para o novo curso no IES A Pinguela

O IES A Pinguela informa estas semanas da oferta de ciclos para o vindeiro...

Ciberseguridade e delitos informáticos, temas centrais das Xornadas Xurídicas de Sarria

Este mércores 12 de xuño celebrábase a inauguración das XVII Xornadas Xurídicas Román García...