Un operario resultou ferido de consideración na tarde deste mércores tras caer nunha nave industrial da localidade lucense do Incio.

Os feitos ocorreron sobre as 18,30 horas, cando o 112 Galicia tivo constancia do suceso a partir dunha chamada dos servizos sanitarios de urxencias, que indicaron que estaban a mobilizar o helicóptero medicalizado con base en Ourense ata o lugar, en Outeiro.

A partir de aí, os xestores do Centro Integrado de Atención ás Emerxencias solicitaron tamén a intervención dos axentes da Garda Civil e dos voluntarios de Protección Civil do Incio, para prestar apoio e colaborar co equipo médico desprazado na aeronave.