As obras nesta estrada autonómica desenvolvéronse nun treito de 8,3 quilómetros, cun orzamento de 614.000 euros. As obras consistiron na reparación, regularización e selado do firme entre os puntos quilométricos 0+000 e 8+300, coa extensión posterior dunha nova capa de rodaxe con mestura bituminosa en quente. Renovouse e repúxose a sinalización horizontal e vertical, novo balizamento e defensas.
A Administración autonómica xa actuara noutros tramos desta mesma estrada, en concreto entre as localidades de O Hospital e A Ferrería -cun investimento de 136.000 euros- entre os puntos quilométricos 8,300 e 12,600 no seu enlace coa LU-641, para o que se destinaron 185.000 euros.