A Garda Civil imputou en calidade de investigado a un veciño de Samos como suposto autor dun delito de malos tratos animais e outro relativo á protección da flora e fauna silvestre debido á colocación de cebos envelenados.
Fontes da Benemérita detallaron que os feitos tiveron lugar a principios do pasado mes, cando se localizaron e recolleron mostras dun cebo envelenado nunha pequena aldea de carácter rural e con libre acceso da fauna salvaxe e outros animais domésticos á zona.
Así, considerouse a posibilidade de que puidesen existir outros cebos envelenados na zona que puidesen afectar á fauna silvestre, polo que se estableceu unha inspección cun cánido especialista na detección de velenos.
Deste xeito, as investigacións permitiron localizar outro cebo nas proximidades do domicilio dun home e descubriuse que contaba con outras sustancias e elementos que podían estar relacionadas cos feitos.
Por iso, tras recoller as mostras e realizar as correspondentes análises toxicolóxicas, confirmouse que as sustancias utilizadas nos cebos se correspondían coas que gardaba este home. Finalmente, o home investigado foi posto a disposición do Xulgado número 1 de Instrución de Sarria . Así mesmo, un axente da Consellería de Medio Ambiente colaborou coa Garda Civil e este organismo xestionou as análises toxicolóxicas levados a cabo.
