Hoxe, 27 de maio, ás 17:00 h. a Asociación de Comerciantes e Empresarios de Sarria -ACES-CCU Sarria- presenta a campaña “Coidamos os teus cativos para que ti poidas mercar no CCU de Sarria”. No acto, que terá lugar na súa sede social da Rúa Calvo Sotelo, 91,  darán a coñecer a iniciativa aos medios.

Trátase dunha campaña de fidelización na que se premiará aos clientes dos establecementos asociados ao CCU. Poñerase en práctica o vindeiro mes de xuño e a idea é facilitar a custodia dos pequenos e pequenas para que as familias poidan realizar as súas compras máis comodamente en Sarria.

Inicialmente, ao redor dunha quincena de comercios asociados repartirán bonos gratuítos entre os seus clientes co obxecto de que estes poidan deixar os cativos e cativas nun local de ocio -40más1 Ocio Park- mentres realizan as súas compras. Os bonos serán trocables os sábados en horario de mañá, de 10:30 a 13:30 h.

Ademais desta actuación, estase a traballar na implantación dunha plataforma de fidelización para premiar o compromiso co comercio local dos clientes da asociación -ACES-CCU- e mellorar as súas ofertas.

A presentación da campaña, esta tarde, correrá a cargo de Ricardo Arias, presidente da Asociación de Comerciantes e Empresarios e no mesmo acto farase pública a imaxe do evento.