Dúas persoas resultaron feridas nun aparatoso accidente de circulación que se produciu esta mañá no termo municipal de Sarria, como consecuencia da colisión frontolateral entre dous turismos.

Segundo informaron fontes do Subsector de Tráfico da Garda Civil de Lugo, o sinistro produciuse ás 09:18 horas desta mañá, á altura do quilómetro 54 da estrada autonómica LU-633, entre as localidades de Sarria e Portomarín.

Para auxiliar as vítimas, o 112 mobilizou a Urxencias Sanitarias-061, os Bombeiros de Sarria, a Policía Local, a Protección Civil e a Garda Civil de Tráfico. Despois de recibir os primeiros auxilios no mesmo lugar do accidente, ambos feridos foron evacuados ao hospital, aínda que aparentemente as súas lesións non revestían gravidade.