O Concello de Sarria súmase, do mesmo xeito que o resto dos municipios do camiño francés ao seu paso por Galicia, á rede de Destinos Turísticos Intelixentes tras a reunión da súa Comisión Executiva, celebrada o pasado 14 de outubro en Madrid.

Gobernanza e cooperación público privada, innovación, novas tecnoloxías, sustentabilidade e accesibilidade son os cinco eixos sobre os que vira e se vertebra a Rede de Destinos Turísticos Intelixentes, unha inciativa impulsada pola Secretaría de Estado de Turismo.

Os obxectivos principais deste proxecto son o desenvolvemento sostible do turismo, a transformación dixital dos destinos e zonas turísticas e a satisfacción dos turistas ao mesmo tempo que a mellora as condicións de vida da poboación nativa.

Unha boa nova que revaloriza o Concello de Sarria como destino para aumentar visitas e turistas nos vindeiros anos.