Os traballos que se están a realizar, á altura do punto quilométrico 0,5 –na intersección coa rúa Porvir–, consisten na demolición da canaleta con reixa existente para colocar unha nova prefabricada de formigón con reixa, conectándoa á rede de pluviais. Á súa vez, reponse a pintura do paso de peóns e todos aqueles servizos que se poidan ver afectados polas obras. 

Polo paso do tempo e o gran número de vehículos que transitan por esta estrada, a rexa foise deteriorando. Trátase dun canal que ten 10 metros de lonxitude e que ocupa o ancho da calzada, cunhas dimensións interiores de 35 cm de ancho e 45 cm de fondo. A previsión é que os traballos queden rematados esta semana.

Este investimento, cun custe estimado de algo máis de 8.500 euros, responde a unha acción da Deputación Provincial de Lugo para mellorar a mobilidade.