HomesociedadeO Concello de Sarria solidarízase con Ucraína

O Concello de Sarria solidarízase con Ucraína

Este mércores ás 12:00 h. únese ás concentracións silenciosas polo pobo ucraíno e o pasado 8 de marzo subscribiu o manifesto da FEGAMP. Días atrás, o concello iniciou tamén unha campaña de cartelas coa bandeira de apoio a Ucraína.

Publicado o

POR
Redacción
- Advertisement -

O Concello de Sarria súmase no día de hoxe, 9 de marzo, á convocatoria da Federación Galega de Municipios e Provincias para realizar unha concentración silenciosa en apoio ao pobo Ucraíno. Así, pois, convoca á veciñanza para as 12:00 h. diante da Praza da Constitución, fronte ao concello, e gardar 5 minutos de silencio.

O concello anunciou tamén esta semana que vén de subscribirse ao manifesto da FEGAMP. O texto do comunicado, que se lerá no acto deste mércores está na web: https://www.fegamp.gal/…/apoio-das-entidades-locais…

Así mesmo, nas súas redes sociais informan das indicacións e instrucións que lles fixo chegar a FEGAMP para que toda a axuda que se faga chegar sexa efectiva:

1- Debido á imposibilidade de asegurar unha correcta distribución do material humanitario que se está a recoller, aconséllase reservalo para ser distribuído entre a poboación ucraína que se acolla na nosa Comunidade, en tanto non se reciban outras indicacións.

2- A Secretaría de Estado de Cooperación Internacional traslada as seguintes vías de canalización de aportacións económicas a ONGs e organismos internacionais despregados no terreo: Coordinadora española de ONGD, Cruz Roja Internacional, Fondo humanitario para Ucraína das Nacións Unidas e ACNUR.

Se ademáis destas contribucións algún cidadán conta con recursos habitacionais ou quere e pode participar mediante acollida en familias pode chamar ao concello (982 53 50 00).

PANCARTAS DE APOIO

Días atrás partiu tamén do Concello de Sarria unha iniciativa de demostración de solidariedade ao pobo ucraíno. Realizou unhas cartelas coa bandeira de Ucraína e a frase “Sarria con Ucrania” ofrecéndoas á veciñanza para amosar o apoio a Ucraína.

ÚLTIMAS

Novidosas sinalizacións lumínicas para pasos de cebra no Concello de Monforte

O Concello de Monforte vén de presentar a mellora viaria, con sinalizacións lumínicas en...

A Valedora admite unha queixa por ignorar o Concello de Monforte máis de 8 meses a un aspirante

Lembran desde FAC-USO que o 13/10/2023 convocouse un proceso selectivo para unha praza interina...

Do 27 ao 29 de xullo, festas na parroquia monfortina de Piñeira

O deputado de Mocidade, Daniel García, reuniuse coa Asociación de Festexos de Piñeira, que...

Finalistas da X edición do Concurso de Proxectos Empresariais Semente Ribeira Sacra

A esta X edición do Concurso de Proxectos Empresariais Semente Ribeira Sacra presentáronse 85...