HomeComarca de SarriaSarriaSarria dá a coñecer a súa web de turismo

Sarria dá a coñecer a súa web de turismo

"Unha vila medieval, amable e refrescante", ou "Sarria quere ser o teu KM0 no teu Camiño" son algúns dos lemas que incorpora a nova fiestra virtual do concello.

Publicado o

POR
Redacción
- Advertisement -

O Concello de Sarria vén de presentar nas súas redes sociais unha nova páxina web que pretende promover o turismo, trátase de www.sarriaturismo.com

A páxina estrutúrase a partir de cinco pestanas principais que son: Percorre, Visita, Descansa, Saborea e Desfruta. En ‘Percorre’ atópase información relativa ao Camiño Francés, que vai de Sarria a Santiago de compostela, e tamén documentación sobre interesantes roteiros; en ‘Visita’ temos acceso a percorridos polas zonas emblemáticas da vila para coñecer o seu patrimonio artístico, cultural e histórico; en ‘Descansa’ aparecen os lugares naturais e urbanos onde poder relaxarse e descansar; en ‘Saborea’ a protagonista é a gastronomía, podendo coñecer produtos típicos da zona e lugares onde saborealos; e en ‘Desfruta’ alóxase unha axenda de eventos marcados no calendario anual de Sarria.

Parque do Chanto. Foto: Concello de Sarria

Dende o concello informan que levan tempo traballando nela e que aínda non a consideran rematada, co cal piden participación á veciñanza para poder “finalizala entre todos e todas”.

Neste senso, diríxense á poboación “podedes colaborar escribindo un correo electrónico a turismo@sarria.gal facéndonos suxerencias, enviando fotos ou dando conta dos erros que poidades atopar ou de todo aquilo que botedes en falta”.

Lembran tamén que os titulares de establecementos relacionados co turismo que aínda non subiran as fichas á web que contacten para poder completar a información.

“A web está viva e é tarefa de todos mantela ao día”, din dende o Concello de Sarria.

ÚLTIMAS

A A.V. do Saviñao fala de “agravio comparativo” entre concellos na estrada provincial de Currelos a Monforte

A A.V. do Saviñao demanda á Deputación Provincial a mellora de dúas estradas en...

Esperta Monforte solicita a creación dunha Unidade de Atención Temperá Municipal

Desde Esperta Monforte lembran as subvencións que concede a Xunta para este tipo de...

DeNinghures e Mondra no escenario Chantada do Festival 17º Ribeira Sacra este 28 de xullo

Os concertos do Escenario Chantada levaranse a cabo no Parque Eloísa Rivadulla, “en Chantada...

Xosé Estévez presenta o 24 de xullo en Quiroga o seu novo libro “Manuel María e o Val de Quiroga”

O historiador e profesor quirogués, Xosé Estévez, presentará o vindeiro mércores, 24 de xullo,...