O espectáculo de comedia ‘Sen Restricións’, a cargo das actrices e humoristas Ledicia Sola, Carmen Méndez e Marta Doviro, será de balde e realízase dentro do marco do festival multidisciplinar Ultreia Et Suseia.
Sen Restricións é a unión de tres mulleres no escenario dispostas a compartir co público as súas historias. Tres actrices supostamente serias que resultaron ser unhas paiasas. Tres cómicas que nos contan as súas propias películas sobre temas tan disparatados como o amor, as drogas, o Apóstolo Santiago, ligar nos tempos que corren, o vexetarianismo ou A Costa da Morte.
Ultreia et Suseia é un evento organizado pola produtora Etiqueta Negra e apoiado polo Concello de Sarria e a Xunta de Galicia, un proxecto ambicioso que busca poñer en valor á zona desde todos os ámbitos culturais posibles.
