Todos os clientes dos establecementos asociados da vila de Sarria que realicen algunha compra no período da promoción –ata 14 de febreiro– poderán gañar unha cea romántica para dúas persoas. Sortéanse catro ceas nos establecementos de hostalaría asociados: Cafetería El Parisien, Hotel Alfonso IX, Restaurante O´Descanso e Restaurante Roma.

O sorteo, no cal se farán públicos os nomes das persoas premiadas, será o venres 17 de febreiro ás 13:00 horas. 

“O teu corazón pide Sarria” é unha campaña coa que os organizadores esperan chegar aos corazóns dos clientes do Centro Comercial Urbano de Sarria para que continúen amosando o seu apoio aos negocios da vila realizando as tradicionais compras de San Valentín.