InicioCulturaUnha mostra en Monforte lembra o poeta paradelense Manolo Rodríguez

Unha mostra en Monforte lembra o poeta paradelense Manolo Rodríguez

A Deputada de Cultura calificouno como "un dos máis grandes escritores galegos da segunda metade do século XX".

Publicado o

- Advertisement -

Este luns día 10 inaugurouse na Casa da Cultura Lois Pereiro de Monforte a exposición “Manolo Rodríguez López, Emigrante Galego, Poeta Obreiro”. Esta mostra está adicada á vida e a obra do poeta de Paradela, fillo predilecto deste concello, e forma parte dun proxecto de difusión da figura de Manolo Rodríguez levado a cabo polo portal web Galicia Dixital e a familia do escritor.

O poeta Manolo Rodríguez naceu en Paradela no ano 1934 e finou en Lugo no 1990, pero a maior parte da súa vida viviuna como emigrado na cidade de Barcelona. A Deputada de Cultura, Pilar García Porto, estivo presente na inauguración e destacou que Rodríguez “é un dos máis grandes poetas galegos da segunda metade do século XX, sobre todo pola súa condición de poeta obreiro, e a súa importancia na identidade galega na emigración”.

Presentación da exposición na Casa da Cultura de Monforte. Foto: Prensa Concello

A exposición é itinerante e, desde que comezara o seu camiño en Paradela no ano 2013, xa recorreu máis de 16.000 quilómetros. A mostra sobre a vida de Manolo Rodríguez fixo unha parada en numerosas vilas e cidades galegas, así como nos Centros Galegos de Barcelona, León, Salamanca, Vitoria e Lisboa; nas Casas de Galicia de Madrid, Valladolid e Las Palmas de Gran Canaria; e nas Universidades do Minho, de Faro, de Cáceres, de Granada e de Bilbao.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...