O músico compostelán Xosé Constenla ofrecerá este mércores 14 de agosto ás 21:00 h. un concerto na terraza do Bar Avenida, no núcleo urbano da Pobra do Brollón. A actuación enmárcase dentro das propostas musicais que ten programadas o concello para este mes.
Constenla ten publicados xa varios traballos: “Quen fixo berrar ao silencio” (2005), “Olladas dun entusiasta” (2008), “Sinecismo. Xosé Constenla ao vivo” (2013) e “Virada por avante” (2015).
A súa música caracterízase por tocar temas sociais e afondar nos estados de ánimo, as emocións, impresións persoais e intrahistorias cotiás. Ten participado en ciclos e certames de canción autor, e recibiu diversos premios pola súa produción discográfica.
O ciclo “Cos pés na terra” terá continuidade o vindeiro mércores 21 de agosto con Pardo, no Restaurante Primeiro de Maio da capitalidade Guímara.
