O xoves 14 de xuño ás 18:00 horas na Biblioteca Municipal de Sober, Monste Rivera presentará o libro “Cóntoche un traxe”. A obra é unha viaxe no tempo de como era a roupa que usaban os nosos antepasados contada dende unha perspectiva divertida e amena. Durante o acto tamén se xogará a vestir como os ancestros para facer unha comparativa real ca actualidade.

Esta actividade está enmarcada dentro do programa de animación á lectura “Ler conta moito”, unha colaboración entre a Xunta de Galicia a través da Consellería de Cultura, Educación e Ordenación Universitaria e o Concello de Sober.