Este venres, 18 de outubro, ás 18.00 a biblioteca municipal da Pobra do Brollón acollerá unha actuación do mago Javier Muro. Esta actividade forma parte do programa ‘Ler Conta Moito’ da Rede de Bibliotecas Públicas de Galicia.
O espectáculo infantil ‘Maxia pola igualdade’ busca concienciar na igualdade entre homes e mulleres e a non violencia na sociedade. De xeito ameno, trataranse temas como as profesións, os xoguetes e as tarefas do fogar.
Esta cita en favor da igualdade está aberta a todos os interesados con entrada de balde.
