InicioCulturaMáis dun cento de alumnos estudan na Escola de Música Samoeiro

Máis dun cento de alumnos estudan na Escola de Música Samoeiro

O curso na Escola municipal de Música ‘Samoeiro’ na Pobra do Brollón, comeza con 107 alumnos matriculados nalgunha das oito especialidades ofertadas.

Publicado o

- Advertisement -

As clases máis populares son as de baile tradicional e percusión (pandeireta, tambor e tamboril), seguidas de coro, música e movemento (para nenos), gaita, acordeón, piano e frauta. Case a metade dos 107 alumnos están matriculados en máis dunha materia.

‘Sentímonos orgullosos de ter posta en marcha a Escola municipal de Música hai xa once anos e ver como cada curso ten tan boa acollida polos veciños da Pobra, e tamén de concellos limítrofes’, comenta o alcalde da Pobra, Xosé Lois Maceda. ‘Non é só a oportunidade de aprender e perfeccionar habilidades musicais. É tamén un espazo onde socializar e facer comunidade.’

Precisamente para este fin, unir aos veciños das diferentes parroquias, creouse neste curso 2019-2020, o ciclo de ‘Foliadas Guímaras’ itinerantes. Cada mes, o local social dunha parroquia será o escenario para unha festa de participación libre e aberta, na que os alumnos poderán poñer en práctica o aprendido. A primeira foliada foi a principios de mes en Salcedo e proximamente anunciarase a data e lugar da segunda.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...