A partir do día 20 os actos sucederanse na localidade ata o cinco de xaneiro, que será a visita dos Reis Magos. Así, os días 23 e 30 de decembro e 2 e 3 de xaneiro haberá Ocioteca de Nadal, actividades e talleres para os nenos e nenas entre os 3 e os 12 anos en horario de 10:00 a 14:00 horas.
O 28 de decembro chega a Bóveda o espectáculo infantil ‘Os libros contraatacan’ a cargo de Lucecús Teatro. A diversión segue o 4 de xaneiro ás 18:00 horas con Micromina Títeres, que presenta ‘Cinco historias para unha man’.
O día 5 de xaneiro Os Reis Magos de Oriente visitarán o Centro Sociocultural ás 17:30 horas.
Todas as actividades levaranse a cabo no Centro Sociocultural de Bóveda. O alcalde, José Manuel Arias, anima aos veciños e veciñas a participar nestas actividades pensadas “para todos os públicos” e nas que os nenos e nenas sempre teñen un protagonismo especial.
