As persoas interesadas poden inscribirse antes do luns día 13 no número 982 42 60 06 ou ben no propio Concello. A saída será ás 17:00 horas da Casa do Concello e o regreso en canto remate o programa. As prazas para asistir como público son limitadas, polo que desde o Concello piden a quen estea interesado que realice a súa inscrición no número de teléfono 982 42 60 06 ou ben no propio Consistorio. Deberán facilitar o nome e apelidos e o DNI.
A data límite para anotarse é o 13 de xaneiro ás 12:00 horas. As entradas outorgaranse por estrita orde de inscrición.
O obxectivo: pasar á seguinte fase
A cantante, natural de Villalpape, en Bóveda, Lorena Guerra participa nesta edición de Recanteiros de Ouro do Luar tras ter asistido xa no 2015 ao programa e conseguir chegar a cuartos de final. Na súa intervención do día 17 vai interpretar ‘Dama, dama’ en solidario e ‘Color esperanza’ a dúa con outra concursante.
Lorena Guerra espera pasar á seguinte fase e “demostrar así o que non puiden demostrar na edición de 2015”, explica. A moza leva máis de 20 anos no mundo da música e asegura que pasar esta fase “sería toda unha honra”.
Desde o Concello de Bóveda o seu rexedor, José Manuel Arias, convida a apoiar a Lorena acompañándoa como público o día 17 e tamén desde as súas casas a todos os veciños e veciñas que prefiran seguila pola televisión. “Bóveda está con Lorena”, precisa.
