Os nenos e nenas do CEIP Plurilingüe Virxe do Carme recolleron en Ourense o premio da XVI edición do Concurso de Contos Solidarios, convocada por Radio Nacional de España e a Fundación Crecer Xogando, dentro da campaña solidaria ‘Un Xoguete, Unha Ilusión’.

Esta nova edición do Concurso contou coa participación de alumnos de Educación Primaria de entre 6 e 12 anos e de Educación Especial de toda España.

Os premios foron entregados por Rafael Cid, delegado territorial de RTVE Galicia e Marta Pastor, directora da Fundación Crecer Jugando. Os nenos e nenas de Sober foron os gañadores de segundo ciclo.