HomeCulturaEspectáculo de maxia en Pantón

Espectáculo de maxia en Pantón

O sábado 30 de xuño ás 22:30 horas na Praza do Concello de Pantón actuará o Mago Carlos.

Publicado o

- Advertisement -

A actividade lúdica, enmarcada no Ciclo de Cultura no Camiño e financiada polo AGADIC e o Concello de Pantón, está orientada para todos os públicos pero en maior medida ó adulto. Nel, os asistentes terán a oportunidade de gozar do espectáculo e de vivir un momento de interacción co ilusionista mediante o humor, vacile simpático e sabedoría popular.

Durante o tempo que dura a actuación, a maxia no escenario estará combinada con xogos e números de maxia de salón como desaparicións, escapismo, mentalismo, adiviñación e ilusións ópticas entre outros. Un ilusionismo técnico sinxelo e directo cargado de diversión e retranca.

Javier, técnico de cultura do Concello de Pantón, trasládanos que se chove esa noite non hai escusa para ir ver o espectáculo pois farase na parte cuberta exterior do edificio multiusos do Concello.

Mago Carlos/Hermanager Producións

quen é o mago carlos?

O seu nome artístico é Mago Carlos aínda que en Rubián coñéceno en confianza como “o Carlos da Belén”. É un mago que sorprende pola simpatía e o sentido do humor. É ese veciño coñecido e aprezado por todos que ten sempre un conto para sacar un sorriso e como forma de ser, a retranca. Leva máis de 10 anos facendo maxia por Galicia de forma profesional en eventos, salas de teatro e auditorios. Un traballo sinxelo pero que dende o primeiro momento conecta á perfección co público.

 

ÚLTIMAS

Opinión: Pura fantasía!

Desde pequeno gardo unha relación especial co celuloide. Foi co meu irmán Lois ,ao...

A última edición do Festival do Viño da Ribeira Sacra de Monforte “foi a mellor ata o momento”, asegura o alcalde

Nesta edición o Festival do Viño volveu a acadar cifras superiores ás edicións anteriores,...

Ignacio González, premiado polo Clúster da Pizarra como mellor expediente de bacharelato de Quiroga

O Clúster da Pizarra de Galicia promove unha iniciativa que premia a excelencia nos...

Cita este 11 de xullo no Círculo Recreativo de Chantada

A Irmandade Cultural País do Faro organiza este venres, 11 de xullo, a presentación...