Sheila Pérez gañadora do cartel da XVI Feira Tradicional Outrora

Esta celebración costumista que recrea as feiras de antes terá lugar en Rubián, concello de Bóveda, o vindeiro 14 de xullo.

Sheila Pérez gañadora dun concurso de deseño de carteis / Concello de Bóveda

Sheila Pérez, deseñadora e interiorista de Monforte, vén de recibir o premio ó mellor cartel anunciador da Feira Tradicional Outrora.

Como xa informou o XdL o Concello de Bóveda organizou, no mes de maio, un concurso para que todos aqueles artistas que o quixeran se presentasen para a elaboración do cartel da edición deste ano da súa feira tradicional do 14 de xullo.

“Zoca Contemporánea. Reinventando o tradicional”. Baixo esta nomenclatura, Sheila Pérez nada en Monforte e actualmente dona do estudo Espazo Nu, resultou ser a gañadora deste ano.

Como te presentaches ó concurso?

Porque o vin publicado no xornal e apetecíame participar. Todo o que ten que ver co deseño encántame e, como sempre se di, por participar non perdes nada.

Que representa a túa obra?

Como ben di o seu nome, é unha representación actual da tradición. As zocas están moi vencelladas a Galicia e ademais encántanme. Tiña claro que ían ser o tema principal da miña creación. Por outra banda tamén quería escapar ó tradicional nos carteis da feira. Por suposto que respeto enormemente a todos os creadores pero ó final, sempre era a mesma temática e eu quería que fose algo totalmente diferente. Apetecíame darlle unha volta ó cartel anunciador da feira sen perder a esencia da temática.

Que supón para ti ser a gañadora deste concurso?

Estou moi contenta. Gústame que a xente tamén me coñeza por outros traballos que non son os habituais en min. Ó final é pasalo ben facendo o que che gusta. Ademais, tamén é un aliciente para presentarse a outras convocatorias, todo o que ten que ver co teu oficio “engancha”.

 

DEIXAR UN COMENTARIO

Please enter your comment!
Please enter your name here