InicioCulturaA fin de semana do 6,7 e 8 de xullo, o sur...

A fin de semana do 6,7 e 8 de xullo, o sur de Lugo estará de festa

Axenda cultural e de ocio moi completa en moitos dos concellos do sur lucense.

Publicado o

- Advertisement -

Na meirande parte dos 22 concellos do sur de Lugo, os días 6, 7 e 8 de xullo hai actividades de lecer programadas. E é que o verán é a época perfecta para poder gozar, ó aire libre, de todo tipo de actividades e festas.

Monforte: II edición do Festival do Viño da Ribeira Sacra

Degustación de viños de 24 adegas da D.O. Ribeira Sacra, exposición e venda de produtos gastronómicos e artesanía, obradoiros infantís e concertos musicais:

Venres día 6 ás 22:30 horas na Praza de España concerto de Najla Shami e ás 00:00 horas, no mesmo lugar actuarán Sons do Douro.

Para sábado día 7, os concertos programados, tamén na Praza de España e de balde,  son o de David Salvado e Pedro Pascual ás 22:30 horas e o da Banda da Loba ás 00:00 horas.

Progrma da II edición do Festival do Viño da Ribeira Sacra/C.R.R.S.

A Pobra do Brollón: V Feira Medieval Guímara 

Comezará ás 11:30 h. co pregón do escritor guímaro Lois Diéguez e ás 12:00 h. terá lugar a representación da revolta guímara cando se opuxo ao Conde de Lemos.

Para as 12:30 e 20:00 h. está programada unha exhibición de cetraría.

Ás 12:30 e 18:30 h. demostración de oficios, nesta ocasión o de ferreiro, moi vencellado á historia do concello.

13:00 h. Ruada a cargo do grupo Alecrín.

14:00 Xantar popular.

17:30 h. Actuación infantil a cargo de “Isla Letrisca”.

Pola tarde noite destacan os xogos tradicionais ás 18:30 h. e o tiro con arco a partires das 19:00 h.

Como remate, ás 21:00 h. actuación do grupo “Euforium” e fin de festa a cargo de “Queiman e Pousa”. Gran queimada para todos os asistentes.

Presentación V Feira Guímara/Concello Pobra do Brollón

Sarria: Venres 6 ás 23:30 horas, no local da Asociación Cultural, Deportiva e Ecolóxica Buril, estará en concerto Vrasica e o sábado día 7 de xullo, á mesma hora e no mesmo local, os interesados poderán gozar do concerto de Pauliña. Ambas actuación son de balde.

Pauliña/ACDE Buril
Vrasica/ACDE Buril

Chantada: Sábado 7 de xullo, ás 10:00 horas, diante do concello da Barrela  concello da Barrela , os interesados poderán realizar unha saída e visitar os momumentos de estilo románico da zona.

Ferreira de Pantón: Venres 6 de xullo, ás 16:30 horas, diante do monasterio do  Divino Salvador  da localidade, dará comezo a Ruta polo Románico de Pantón.

 

Cartel anunciador das Rutas do Románico pola Ribeira Sacra/Concello de Taboada

Ribas de Sil: Domingo 8 de xullo, ás 20:00 horas no Anfiteatro da Praia Fluvial, os cativos da zona gozarán do espectáculo Vacacións no Mar a cargo de Micromina Títeres.

Sober: Domingo 8 de xullo concerto de Carlos Núñez ofrecerá ás 21:30 un concerto na bodega Rectoral de Amandi ca súa xira Lugares Máxicos. O custo da entreda é de 21,60 euros.

Concerto de Carlos Núñez/Concello de Sober

 

 

 

 

ÚLTIMAS

18.000 persoas pasaron pola Oficina municipal de Turismo de Monforte no 2023

Segundo os datos obtidos nas dependencias turísticas xestionadas polo Concello, no 2023 obtivéronse as...

O PP concéntrase na N-540 esixindo o seu arranxo

Desde o PP aseguran que apoian "as reivindicacións dos veciños de todos os concellos...

Dispositivo da Deputación de Lugo para afrontar as nevadas da fin de semana

A Deputación de Lugo está a traballar nas máis de 70 estradas provinciais afectadas...

Jonas Vingegaard, gañador da segunda etapa de ‘O Gran Camiño’

Corredores de once dos mellores equipos internacionais, con figuras como Jonas Vingegaard, Egán Bernal,...