Samparasón e unha agrupación con gran presenza para animar as festas no municipio da Pobra do Brollón. Integran a formación, o director da Escola municipal de Música ‘Samoeiro’, Ibán Rodríguez (acordeón); o mestre da Escola, Fernando Estévez (clarinete); Alberte González no bombo e Martín González na caixa.
Debido á situación sanitaria actual, para acudir ao concerto é necesario reservar. Idealmente as reservas deberán facerse por grupos para facilitar a organización das mesas de xeito que se manteñan as distancias de seguridade. As reservas fanse no teléfono 982 430 501.
O primeiro concerto comezou na terceira fase da desescalada, pero a saída do estado de alarma obrigou a cambiar o nome do ciclo de ‘Concertos na Terceira Fase’ a concertos ‘con-certa normalidade’.
Os seguintes eventos serán con As Searas na Vella Taberna (domingo 28 de xuño), Garabelo no Bar Pirata (domingo 5 de xullo) e Xerezade no Primeiro de Maio (domingo 18 de xullo). Todos os concertos son de balde, previa reserva.
O Círculo Saviñao acolle este sábado, 20 de xuño, actuación de terraza de Andrés Montes con entrada libre. O obxectivo ir recuperando a economía e a actividade social “con sentidiño”. O aforo será do 80% das actuacións en exteriores. Pídese aos asistentes que manteñan a hixiene de mans a distancia física e que leven máscara. O concerto comezará ás 20.00 horas.
