InicioCulturaMaría Solinha en terras de María Castaña

María Solinha en terras de María Castaña

O próximo luns 20 de xullo, estrearase en Cereixa, lugar natal de María Castaña na Pobra do Brollón, a película María Solinha, dirixida por Ignacio Vilar.

Publicado o

POR
Redacción
- Advertisement -

A proxección será o luns 20 a partir das 21:30 nos Carballos, ao carón da igrexa parroquial de Cereixa. O uso de máscara será obrigatoria e respectaranse as distancias e medidas de seguridade necesarias. A entrada é libre e gratuíta ata completar aforo.

Antes da proxección do filme, presentará o arqueólogo e historiador Xurxo Ayán, tamén natural de Cereixa, quen relacionará as dúas personaxes femininas que simbolizan a loita histórica do pobo contra o poder. Ademais do historiador, estará o director Ignacio Vilar, coñecido por outras películas de gran éxito como A Esmorga, Vilamor e Sicixia. Tamén estará presente a actriz protagonista Laura Míguez, que virá vestida de época, ademais dalgunha participación sorpresa. O público poderá participar nun photocall e falar cos participantes.

María Solinha trae ao presente a historia desta personaxe de Cangas do Morrazo que foi acusada no século XVII de bruxería e, segundo conta a lenda, queimada pola Inquisición. A película parte dun afamado director que chega a Cangas para reconstruír no teatro a historia de María Solinha. A protagonista da obra de teatro vai sufrir, no século XXI, ecos da agresión que sufriu María Solinha no século XVII.

O acto é promovido pola Deputación de Lugo coa colaboración do Concello da Pobra do Brollón.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...