A saxofonista, Sara Méndez Arias, foi gañadora dun concurso de música contemporánea no Royal College of Music de Londres, onde cursou un máster de interpretación baixo a dirección do profesor Martin Robertson. Nacida en 1993 na parroquia de Proendos, Sara Méndez cursou tamén estudios na aula internacional de saxofón do Conservatorio Superior das Illas Baleares, onde se formou cos profesores Rodrigo Vila e David Brutti. Na actualidade é profesora de música nun centro de ensino medio.
Ana Fernández Galloso obtuvo o Grao Superior en Piano no Conservatorio Superior de Vigo (2015), onde estudiou con Arabel Moráguez e Nicasio Gradaille e no Conservatorium van Maastricht (2016), onde estudiou con Katia Veekmans. Asistiu a clases maxistrais con profesores como María Jesús Crespo, Rasa Biveiniene, Constantin Sandu, Giampaolo Nutti o María Szraiber. Participou en concertos no marco dos cursos ‘Bonporti Summer Piano_ Lab’ en Baselga dice Pinè (Italia) e ‘Piano Fórum’ en Vila Plaia de Ancla (Portugal), así como notras localidades e conservatorios de Galicia e Maastricht. Actualmente é profesora de conservatorio.
No concerto do Círculo Saviñao interpretaron un programa con dúas partes, unha primeira con obras clásicas e outra con adaptacións de música moderna, lixeira e tradicional galega. Concerto que o público disfrutou, valorou e aplaudiu, polo que a organización espera volver a velas actuar pronto no concello do Saviñao.
