IniciosociedadeCharla sobre banda deseñada galega na Librería Pelayo de Monforte

Charla sobre banda deseñada galega na Librería Pelayo de Monforte

O debuxante Xosé Manuel Fernández fará unha introdución á historia, máis e menos recente da banda deseñada en Galicia, con especial atención á temática referida ao humor.

Publicado o

POR
Redacción
- Advertisement -

A Librería Pelayo de Monforte segue apostando polo fomento da lectura e a divulgación. Nesta ocasión faino con dúas actividades de divulgación arredor da ilustración e a banda deseñada.

A primeira delas terá lugar este sábado 31 de outubro coa programación dunha charla sobre “A banda deseñada en Galicia” a cargo do debuxante quirogués Xosé Manuel Fernández. Poderase seguir, dadas as condicións sanitarias impostas pola Covid, a través das redes sociais  de Librería Pelayo a partir das 18:00 h.

Segundo refire o propio ponente, “Galicia tivo e ten grandes debuxantes, moitos deles recoñecidos a nivel nacional e internacional. Dende artistas gráficos que destacaron máis como viñetistas ata outros que son referencia na banda deseñada e a novela ilustrada”.

Na charla sairán nomes de recoñecidos debuxantes galegos, dende clásicos como Xaquín Marín, Xosé Lois ‘O Carrabouxo’, Pepe Carreiro ou Miguel Anxo Prado, ata outros máis achegados aos nosos tempos como Luis Davila, Kiko da Silva, Jacobo Fernández, Miguel Porto, David Rubín ou Emma Rios. Tamén se dará conta de publicacións relevantes da banda deseñada galega, curiosidades e incluso anécdotas do propio ponente, tamén debuxante.

A outra actividade programada na librería monfortina é un “obradoiro de humor gráfico” para rapaces de 6 a 12 anos. Está pendente de concretar a data e a intención e poder ter algúns alumn@s presenciais, os que permitan as condicións sanitarias, e retransmitilo tamén a través das redes sociais.

Rocío Rodríguez, xerente desta librería monfortina, convida a seguir esta charla divulgativa que fará un percorrido pola historia da banda deseñada de Galicia, aproveitando a comodidade de facelo dende a casa ou dende calquera dispositivo móbil entrando na súa páxina de Facebook.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...