O Foro Territorios Patrimonio recolle un programa de conferencias e actividades dirixidas a profesionais da cultura e o turismo, así como tamén a un público xeral con interese en profundar nos retos e oportunidades da Ribeira Sacra nunha contorna internacionalPalabras descoñecidas
Neste 2020 o Foro Territorios Patrimonio ten como obxectivo visibilizar a candidatura e o escenario da Ribeira Sacra ante a selección de Patrimonio da Humanidade, poñendo o foco en diferentes puntos de interese de actuación: a necesidade de reactivar a economía, os valores do territorio, o rural…, sen esquecernos do reto do cambio climático e a sustentabilidade.
O turismo cultural ten agora a oportunidade de renovarse desde unha nova perspectiva que teña en conta a todos os actores, desde o máis pequeno ao máis grande. As contornas dixitais, a distancia social, o respecto pola natureza e a creatividade virtual son conceptos que agora se entrelazan e buscan fórmulas de convivencia para conseguir mellores solucións para unha mesma necesidade: a de gozar do patrimonio dunha rexión xerando riqueza sostible para a mesma. O Foro Territorios Patrimonio quere servir como centro de debate e catalizador das tendencias de presente e futuro. Un ambicioso programa de charlas, mesas redondas e actividades que se desenvolverá en formato híbrido: presencial + virtual.
Debido á situación actual e ás novas restricións, haberá unha cota moi pequena para asistir de maneira presencial durante as xornadas, pero o Foro ten unha visión, un carácter e unha perspectiva de que a asistencia sexa on- line na súa gran maioría. As prazas son limitadísimas e poden solicitarse no mail habilitado: foro@festivalribeirasacra.com.
Protocolo sanitario
O Foro Territorios Patrimonio será pioneiro este ano na implantación dun protocolo de seguridade coordinado co recoñecido laboratorio Eldine. Persoal sanitario deste laboratorio desprazarase á Ribeira Sacra para desenvolver un sistema de detección rápida, polo cal se realizarán test de antíxenos a todos os relatores que participen das actividades previstas, así como ao persoal traballador do Foro.
