A edición deste libro foi posible grazas ao traballo en rede dos 4 Grupos de Desenvolvemento Rural que contan no seu ámbito de actuación con concellos incluídos na D.O. Ribeira Sacra que a través do Programa Leader 2014-2020 e coa colaboración da Caixa Rural Galega, contribuíron ao financiamento da edición do traballo.
De Ourense participaron os GDR: Asociación para o Desenvolvemento da Comarca de Ourense (Adercou), e GDR Sil- Bibei- Navea. De Lugo: GDR Miño-Ulla e GDR Ribeira Sacra-Courel.
O acto inclúese dentro das actividades do mes de Amandi que se está desenvolvendo en Sober, e ao mesmo asistirán os presidentes dos 4 GDR, xunto co Alcalde de Sober, o Presidente da D.O. Ribeira Sacra e o Delegado Territorial da Xunta de Galicia en Lugo.
O libro está estruturado nos seguintes capítulos:
- O descubrimento dun espazo singular
- Situación de partida. Antecedentes demográficos e do sector vitivinícola
- Inicio do proxecto Ribeira Sacra
- Claves na execución do proxecto de Ribeira Sacra
- Denominación viños da Terra Ribeira Sacra
- A consecución da Denominación de Orixe Ribeira Sacra
- Conclusións e propostas.
