A área de Cultura da Vicepresidencia da Deputación de Lugo organiza a proxección da película, que se estreou en novembro pasado en festivais de cine, cunha gran acollida, e que ata agora só puido verse nas cidades de Pontevedra e Lugo.

“Tras a estrea do filme no Pazo de San Marcos, o 26 de novembro, continuamos coas proxeccións pola provincia, xenerando oportunidades para que as películas en galego cheguen ao público”, explicou Maite Ferreiro.

O acto comezará ás 19:45 horas coa presentación do filme por parte da directora que, tras o visionado, participará nun coloquio co público. A entrada será de balde, mais limitada a capacidade do espazo dacordo cos protocolos de prevención da Covid 19 polo que é preciso inscribirse previamente, no correo electrónico cultura@deputacionlugo.gal indicando nome e contacto das persoas asistentes.