Continúa o Ciclo de Cinema Galego Actual co que o Concello da Pobra do Brollón propón unha alternativa de ocio cultural para decembro con películas que están de estrea neste 2020.

Este domingo 20 a partir das 19:00 horas será a proxección de Reboiras. Acción e corazón., unha longa documental que se estreou este verán cando se fan 45 anos do asasinato de Xosé Ramón Reboiras Noia, a última vítima mortal da ditadura franquista en Galicia.

O filme recrea a vida e o pensamento de Reboiras a través de entrevistas a 28 testemuñas que con el compartiron diversas etapas vitais, secuencias de ficción e filmacións históricas. Contarase coa presenza do director, Alberte Mera.

O ciclo pecharase o domingo 27 coa proxección de Ons, a nova película de Alfonso Zarauza. As proxeccións son de balde, previa reserva no teléfono 650 624 828.