HomeCulturaPublicación sobre etnomedicina e etnografía no Courel

Publicación sobre etnomedicina e etnografía no Courel

A farmacéutica, investigadora e divulgadora, María Moure, vén de publicar "María das Herbas e as Herbaxeiras do Caurel". Crónica da Cultura Popular dunha Terra Extraordinaria.

Publicado o

POR
Redacción
- Advertisement -

“María das Herbas e as Herbaxeiras do Caurel” conta con limiar de Felipe-Senén López Gómez, membro da Academia Galega e unha autoridade en relación á Cultura Popular Galega. A autora pasou dous anos na serra courelesa entrevistando ás persoas do concello de Folgoso do Courel e contorna.

A obra que conta ca colaboración da Fundación Uxío Novoneyra, Deputación de Lugo, Caixa Rural Galega e o Colexio Farmacéutico de Lugo é o primeiro tomo dunha triloxía que ten o catálogo de plantas medicinais como fío conductor. 

O libro de 316 páxinas e 245 fotos pretende ser un referente diferenciador respecto ó resto de estudos de Etnobotánica de España, pois o foco está posto nas persoas, non nas plantas medicinais. “O factor humano é primordial en toda a obra”, asegura a autora.

Ademais de todo o relacionado coa Etnomedicina, ó longo dese ensaio novelado, o protagonismo das persoas ponse de manifesto a través das reseñas biográficas de cada un dos informantes chave ou dos comentarios, testemuños persoais, ritos ancestrais, adiviñas, cancións ou refráns, por poñer algún exemplo. 

María Moure asegura ter superado o desafío que constituía contentar ós expertos tanto como ó público en xeral, “Están presentes o sentido do humor e a espontaneidade derivada de transcribir literalmente o que me contaron en dous anos, elementos importantes para as persoas interesadas nas plantas medicinais e no Courel e para todos aqueles que queiran saber o que de auténtico, de raíz, de ancestral, permanece aínda no noso mundo”. 

ÚLTIMAS

Rueda enche no mitin de Monforte e visita a feira de Chantada

Rueda lembrou en Monforte que Lugo foi na anterior convocatoria das Eleccións Xerais, en...

O programa “Lugo de corazón a corazón” leva aos concellos da provincia a formación en prevención cardiovascular

O programa, que conta co apoio da Deputación de Lugo, busca facilitar o acceso...

Tres feridos nun accidente entre dous coches en Sarria

Segundo informou o 112 Galicia, un particular deu aviso deste accidente arredor das 20.00...

Este 22 de novembro ás 18:00 na casa da cultura de Monforte, maxia para público familiar na programación do 25-N

Esta actividade enmárcase na campaña “Monforte en negro contra as violencias”, organizada polo Concello...