InicioCulturaCastro Caldelas presenta “Un castelo no Camiño Augas Sacras”

Castro Caldelas presenta “Un castelo no Camiño Augas Sacras”

Daranse a coñecer unha serie de actividades incluídas dentro do programa “O Teu Xacobeo” da Xunta de Galicia e o acto servirá tamén para presentar a agrupación de municipios que reivindican esta nova vía de peregrinación.

Publicado o

POR
Redacción
- Advertisement -

O sábado 3 de abril ás 12:00 h. será o acto oficial de presentación do ciclo cultural “Un Castelo no Camiño Augas Sacras”. Terá lugar na rúa de acceso ao Castelo e presentarase o programa de actividades ao público con actores vestidos de época. De abril a setembro haberá exposicións, roteiros, xogos, visitas teatralizadas e feiras de produtos locais.

Esta programación impulsada polo Concello de Castro Caldelas enmárcase tamén no programa “O Teu Xacobeo” que promove a Xunta de Galicia para poñer en valor o ano xacobeo por toda a xeografía galega.

No mesmo acto terá lugar a presentación oficial da ‘agrupación de municipios Camiño de Augas Sacras’ que ten como obxectivo investigar, protexer e divulgar unha vía de peregrinación que unía os concellos de Sober, Larouco, Teixeira, Petín, Trives, Monforte, Castro Caldelas e San Xoán de Río.

REAPERTURA DO CASTELO

O Castelo de Castro Caldelas abriu as súas portas o pasado 29 de marzo, tras varios meses pechado para realizar obras de mellora na accesibilidade e licitar a nova concesión.

Para festexar a reapertura, este mesmo 3 de abril ás 19:30 h. terá lugar o espectáculo “Suaren Batalia”, unha actuación que combina diferentes técnicas de lume, interpretación, danza e aéreos. Cumpriranse as normas de obrigatoriedade de máscara, aforo e distancia marcadas polas autoridades sanitarias.

ÚLTIMAS

Roteiro Literario para coñecer as localizacións da novela “A Boca do Monte”, en Quiroga

Preto dun cento de estudantes do IES As Lagoas de Ourense coñeceron o pasado...

O BNG pon en marcha, “Arranxo XA das nosas estradas”, campaña para mellorar as infraestruturas viarias na provincia

O Bloque Nacionalista Galego de Lugo inicia unha nova campaña para reclamar o arranxo...

8ª Andaina polo Corazón de Galicia, o 21 de abril en Chantada

O domingo, 21 de abril, celébrase a 8ª Andaina polo Corazón de Galicia, que...

Que acontece coas Unidades de Drogodependencias dos concellos?

Na última xuntanza dos concellos que contan con Unidades Municipais de Asistencia á Drogodependencia...