Para participar nesta iniciativa do concello hai que gravarse recitando un texto da autora homenaxeada este ano polas Letras Galegas cunha duración máxima dun minuto e enviala a cultura@concellodeboveda.com xunto cos datos de contacto.
A actividade estará aberta ata o 20 de maio. Todos os vídeos serán subidos ao Facebook do Concello de Bóveda. As persoas participantes recibirán un agasallo da Biblioteca Pública Municipal.
A programación do concello de Bóveda polo día das Letras Galegas complétase coa mostra ‘Asinamos ser libres’ no Centro Sociocultural que pode ser visitada de luns a venres en horario de 10.00 a 14.00, os martes de 18.00 a 20.00 e os mércores de 16.30 a 18.30. E cunha actividade infantil o día 13 no centro sociocultural. En horario de mañá desenvolverase o programa Ler conta moito co título “Estas cartas teñen moito conto. Xogando con Xela Arias.”