InicioCultura“A pluma viva de Rosalía” o 21 de maio en Monforte

“A pluma viva de Rosalía” o 21 de maio en Monforte

Este venres, 21 de maio, ás 18:00 horas no salón de actos da Casa da Cultura Poeta Lois Pereiro terá lugar a posta en escena da obra “A pluma viva de Rosalía” da compañía Os Quinquilláns.

Publicado o

POR
Redacción
- Advertisement -

Esta obra está dirixida a público familiar así como a nenos e nenas de máis de 9 anos, e da educación secundaria. A representación é de entrada libre e gratuíta ata completar a capacidade do local seguindo a normativa sanitaria no momento da actuación, que establece un aforo máximo de 60 persoas. As entradas-invitacións repartiranse dende as 17:30 horas, e a entrada ó salón de actos da Casa da Cultura farase ás 17:50 horas.

“A pluma viva de Rosalía”, que está baseada nun feito real de censura á obra de Rosalía de Castro, é unha montaxe teatral sobre a igualdade e a liberdade seguindo textos da escritora. 

No ano 1864 Rosalía de Castro visita unha imprenta en Lugo, catro textos brillantes, “retranqueiros” e satíricos da escritora están a punto de publicarse, pero nas oficinas da imprenta ten lugar un conflito violento e Rosalía vai descubrir que todo ten que ver con ela e a súa obra.

Esta actuación está programada pola Área de Cultura, Patrimonio Histórico Artístico e Normalización Lingüística da Deputación de Lugo, e conta coa colaboración do Concello de Monforte de Lemos.

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...