HomeCulturaDesde este luns o Ateneo Casino celebra o 25 aniversario do pasamento...

Desde este luns o Ateneo Casino celebra o 25 aniversario do pasamento de Lois Pereiro

A partir deste luns, 24 de maio, cando se cumpren exactamente 25 anos do pasamento de Lois Pereiro, o Ateneo Casino de Monforte recupera as actividades presenciais en torno á figura do poeta. Os eventos arrancan o luns 24 coa presentación dun novo libro do poeta, Os cadernos de Lois.

Publicado o

POR
Redacción
- Advertisement -

A batería de actividades comeza hoxe ás 20.00 coa presentación do libro Cadernos persoais. Trátase dun conxunto de diarios inéditos que a editorial Chan da Pólvora publicou a finais de abril. Na presentación participarán Héctor Cajaraville, encargado de realizar a edición e as notas do volume, así como os irmáns de Lois Pereiro, Xosé Manuel e Inés. O acceso é libre, previa reserva no teléfono 648 435 033.

O 30 de maio contarase cun obradoiro de Postcrossing por Diana Pastoriza, no que se introducirá ós asistentes ó mundo da postal, do deseño e da plataforma Postcrossing. Proponse unha actividade de intercambio de postais vinculadas a Lois. A actividade céntrase na creación dunha postal de Lois Pereiro que será enviada a diversos puntos do mundo en resposta ás postais recibidas no Ateneo a través dos membros de Postcrossing.

5 de xuño, 12:30, toda Galicia farase un acto expansivo en homenaxe a Lois Pereiro. Trátase dunha actividade expansiva con epicentro en Monforte e réplicas en diversas aldeas, vilas e cidades de Galicia e máis alá. O obxectivo é reivindicar a figura de Lois a través de eventos de diversa índole en distintos puntos cun eixo común: o día e a hora. Para tal fin o Ateneo leva tempo traballando e contactando con centros culturais e persoas do mundo da cultura para a organización do acto.

A homenaxe de Monforte terá lugar no propio Ateneo e contará coa presenza de diversos artistas que se irán anunciando nas redes.

Para o 6 de xuño no Ateneo Casino organízase un obradoiro de escrita creativa con Arancha Nogueira. Contarase con dez prazas e catro horas de duración divididas entre a mañá e a tarde. A poesía de Lois Pereiro, moi influínte na poética de Nogueira, terá gran presenza no obradoiro.

Xa o 12 de maio, o Ateneo acollerá esta actividade na que se redactarán as postais de resposta ás recibidas no Ateneo e os asistentes poderán enviar postais ós seus contactos ou intercambiar con membros da plataforma Postcrossing.

Pese a que Lois Pereiro centra o groso de actividades deste período, o Ateneo tamén programará actividades alleas ó poeta. O primeiro será o 28 de maio, unha actividade arredor do ensino e cinema promovida polo profesor dos Escolapios, Javier Saco.

ÚLTIMAS

27 de xuño de Portas Abertas no servizo de atención temperá de Quiroga

Dende o Servizo de Atención Temperá tiveron a iniciativa de reunir a todos/as os...

Monforte acolle o Campus Internacional Ucraíno de Verán de Ximnasia Rítmica do 24 ó 28 de xuño

O programa de contidos do Campus contará con sesións de aprendizaxe, masterclass internacional e...

“Nin un só día sen médico e unha lei de alta montaña”, pide Courel Vivo ao pleno

O concello do Incio está situado nunha zona de montaña cunhas intensas características orográficas...

O Colectivo Vermut ‘ao rescate’ do San Xoán dos Chaos, en Monforte

Moitas celebracións populares van a menos, e incluso pérdense, por falta de relevo xeracional....