Inaugura a cociñeira, Estefanía Montes, cun obradoiro de petiscos pensado para as xuntanzas de familiares e amigos este verán. Os asistentes aprenderán receitas frescas con combinacións de texturas e presentacións orixinais.
O obradoiro de cociña ten un custe de 20€ para socios e 25€ para non socios do Ateneo. O concerto son 3€ para socios e 5€ non socios. Para máis información e reservas, o teléfono de contacto é 648 435 033.
O sábado á noite o dúo de voz e guitarra, Ginkgo Biloba, chegan da Coruña para ofrecer un concerto de versións de himnos xeracionais indie e pop.
A próxima semana haberá máis música en directo; desta volta un repertorio de jazz co David Regueiro Quartet o sábado 26. Tamén se presenta o martes 22 o libro biográfico El Padre Revilla, aproveitando a presenza en Monforte do seu autor, o historiador, escritor e diplomático Carlos Sánchez Tárrago.
