O Festival Internacional Atlántica, considerado coma un dos mellores festivais de narración oral da península, chega a Sarria.
Este domingo, 4 de xullo, estará na vila o narrador de Guadalaxara, Pep Bruno que anda a facer o Camiño de Santiago. Fará unha parada para contar as súas historias, relatos para público familiar, na Praza de Juan María López, onde a Igrexa de Santa Mariña ás 21:00 h. Entrada de balde ata completar aforo.
O NARRADOR
PEP BRUNO é un barcelonés afincado en Guadalaxara, é licenciado en Filoloxía Hispánica, Teoría da Literatura Comparada e diplomado en Traballo Social. Comezou a contar contos en 1994 e desde aquela xa percorreu numerosos festivais de todo o mundo compartindo historias para nenos e adultos.
Compaxina a súa actividade como narrador coa súa faceta de blogueiro e coa impartición de cursos, conferencias e obradoiros literarios e de creación. Tamén organiza actividades de animación á lectura, escribe artigos de reflexión en revistas especializadas e colabora decote cos medios de comunicación. No ano 2010, coa obra ‘La familia C’, ganou o III Premio Internacional Compostela de Álbum Ilustrado outorgado pola Editorial Kalandraka en colaboración co Concello de Santiago. Os seus libros están traducidos a máis de dez linguas.
