Este luns, 19 de xullo, a partir das 10:30 h. presentarase na antiga prisión preventiva de Sarria “Resoando no Camiño Francés”, un proxecto artístico do músico Abraham Cupeiro.
Neste acto de presentación, xunto a Cupeiro, estarán o Alcalde de Sarria, Claudio Garrido; a concelleira de Cultura e Camiño, Reyes Abella; a tenente de Alcaldede Arzúa, Begoña Balado; o segundo tenente de Alcalde de Melide, Xosé Igrexas; o Alcalde de Palas de Rei, Pablo Taboada; o 2º tenente de Alcalde de Monterroso, Luis Mariño Castro; e a Alcaldesa de Triacastela, Olga Iglesias.
As devenditas autoridades representarán concellos que serán escenario deste ciclo de concertos. Na rolda de prensa ofreceranse os detalles e contidos das actuacións que Abraham Cupeiro realizará en diferentes emprazamentos patrimoniais dos Concellos da Mancomunidade de Municipios do Camiño Francés.
Ao remate do acto proxectarase un video promocional do ciclo de concertos e o artista protagonista fará unha breve demostración en directo con algún dos instrumentos ancestrais que resoarán no Camiño Francés.
