InicioCulturaComezou o FanCine de Lemos, cinema fantástico dende a Ribeira Sacra

Comezou o FanCine de Lemos, cinema fantástico dende a Ribeira Sacra

Do 21 ao 25 de xullo desenvolverase en Monforte e Sober unha extensa programación de proxeccións e actividades divulgativas paralelas. Os escenarios desta edición serán os cinemas Hollywood, Ateneo Casino, Adegas Algueira (Sober) e Parque dos Condes.

Publicado o

POR
Redacción
- Advertisement -

A presentación oficial tivo lugar este mércores 21 de xullo e correu a cargo do equipo do FanCine de Lemos no Multicines Hollywood de Monforte. A continuación proxectouse a película “Amigo”, de Óscar Martín, a súa primeira longametraxe de ficción. Para rematar esta primeira sesión do ciclo, o Ateneo Casino acolleu o pase da curta “Santa Sangre”.

De cara a este xoves 22 de xullo destaca unha xornada matinal cunha charla-café con membros de Crea, asociación galega de profesionais da realización sobre o cinema fantástico e a dirección cinematográfica. Será no establecemento Mon Come y Sueña de Monforte ás 12:00 h. Á mesma hora, pero no Ateneo Casino, terá lugar un interesante obradoiro sobre maquillaxe FX con Alberto Hortas.

No que respecta ás proxeccións, O Parque dos Condes monfortino acollerá dous pases de curtametraxes. Ás 18:30 h. dará comezo a primeira sesión oficial de curtas a concurso. Poderanse ver: ‘Dana’, de Lucía Forner Segarra; ‘Ella y la oscuridad’, de Daniel Romero; ‘Aurora’, de Sergio D’asensio; ‘Polter’, de Álvaro Vicario; ‘¿Sigues ahí?’, de Mónica Zamora; e ‘Meritum’, de Yago Mateo.

Ás 20:00 h. terá lugar charla arredor do panorama actual do cinema fantástico e estará moderada por Javier S. Donate participando tamén Sergio Morcillo, Santiago Taboada e Hugo Molero. A continuación, ás 20:30 h. poderase ver a longametraxe ‘A Night of Horror: Nightmare Radio’.

Como remate da xornada, unha das novidades desta edición: “Sesión Golfa” con película sorpresa. Trátase de rescatar un filme descoñecido para a audiencia pero que resulta ‘esencial’ na historia do cinema fantástico. Só aqueles que se acheguen vela saberán de que película se trata pois non se desvelará antes nada sobre ela.  Ás 23:00 h. no Ateneo Casino.

A programación completa pódese consultar na propia web do FanCine de Lemos.  

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...