A exposición das botellas dos viños que acudiron á maioría das feiras do viño, acompañadas dos carteis anunciadores, poderá verse novamente na entrada do Auditorio Municipal. Esta exposición presentábase na pasada Semana Santa como lembranza da data na que se tiña que celebrar a feira, servindo de homenaxe aos adegueiros que pasaron polas feiras do viño de Quiroga.

Contando co programa Cultura no Camiño haberá actuación de Festicultores Troup polas rúas da vila, o sábado día 24 a partir das nove da noite.

O domingo 25, coincidindo co Día de Galicia, a unha menos cuarto farase unha recepción aos colectivos culturais do municipio, para a continuación disfrutar dun concerto da Banda de Música Santádega. A actuación, que forma parte do programa “O país das bandas”,  terá lugar diante da casa consistorial. Xa pola tarde, a partir das oito, no parque da Constitución os nenos e nenas terán unha actuación especial, Ramona Órbita, a dona do tempo a cargo do grupo Pakolas. 

Esta fin de semana festiva rematará  con música. Será a Charanga Louband a que recorrerá as rúas da vila quiroguesa rematando os días  que acollerían a Feira do Viño, pero abrindo o verán cultural de Quiroga que acollerá numerosas actuación para todos os públicos durante o mes de agosto.