InicioCulturaLecer musical e infantil en Pantón para esta finde

Lecer musical e infantil en Pantón para esta finde

Concerto de música “yé yé” na Praza do Concello o sábado 24 e espectáculo de clown na parroquia de Tuiriz o domingo 25.

Publicado o

POR
Redacción
- Advertisement -

Seguindo co ciclo de concertos, o Concello de Pantón convida a unha nova actuación este sábado 24. O grupo que amenizará a velada nocturna a partir das 23:00 h. será “Gramola yé yé”, un cuarteto formado por guitarra, baixo, batería e voz cunha liña moi fresca e festiva.

A formación rende homenaxe aos guateques, ao movemento Yé Yé e ás cancións do verán dos anos 60 e 70. O seu repertorio componse de cancións, entre outros, de Los Diablos, Los Bravos, Karina, Massiel, El Dúo Dinámico e lembrarán cancións como “Las flechas del Amor”, “Un Rayo de Sol, OH,OH”, “July”, “El Bául de los recuerdos” ou o clásico “La,La,La”.

Para asistir ao recinto de asentos cómpre reservar previamente chamando ao número 982 456377.

Sen saír do concello, pero achegándonos á parroquia de Tuiriz, o domingo 25 terá lugar o espectáculo “Punkdemia” do clown Isaac Rodríguez Miranda, máis coñecido como “Peter Punk”. Trátase dunha montaxe que busca a risa a partir das situacións novidosas que vivimos coa crise sanitaria.

Poderase ver como se viste un paiaso para protexerse da pandemia, malabares con coronavirus, e asistiremos a unha técnica sorprende para botar o virus fóra do corpo. Esta actuación está promovida pola Vicepresidencia da Deputación de Lugo.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...