A exposición que se pode ver na Sala de Exposicións Manuel María do Concello de Quiroga, mostra personaxes musicais que a partir de mecanismos crean sons e ritmos, historias e contos que nacen co movemento dunha manivela ou dun pedal. Bonecos que se moven e andan sós, un teatrillo de monicreque automatizado homenaxe do tradicional monicreque de cachiporra, diferentes efectos especiais recorrentes no teatro… 

A idea desta exposición é que os asistentes poidan xogar manexando os mecanismos das pezas e ver como funcionan. 

A mostra patrocinada pola Área de Cultura da Deputación Provincial, poderase visitar entre as 12:00h e as 14:00 h  e entre as 18:00h e as 20:00 h.