‘Palito’ é o nome artístico de Alba Redondo, unha cantautora moi talentosa de Pontevedra que pode presumir de ter compartido escenario co gran Javier Krahe. Acompañouno como teloneira na súa última etapa antes de falecer no 2015, e para algúns entendidos é considerada como a súa sucesora.

Comezou na música como baixista dun grupo e tempo máis tarde decidiu cantar as súas propias cancións aderezadas con grandes doses de humor e sátira.

Nos seus concertos adoita presentarse acompañada pola guitarra de Javier López Guereña –Zahorí–, guitarrista que foi tamén de Javier Krahe, pero para esta ocasión, sábado 7 de agosto, chega á Cantina de Meán en solitario.

Tomamos prestada unha descrición do fotógrafo Tomás Cristóbal sobre ‘Palito’: “Menuda, tímida, risueña, con un halo de tristeza que a veces la ronda, enigmática, exquisita, frágil, sutil, culta… y a la par descarada, desenfadada, punzante, vivaz, de una inteligencia e ironía desmedidas que se gana tu simpatía a golpe de carcajada. Ese cóctel hace de la pequeña Palito una extraordinaria artista, limpia, natural, sin trama ni cartón”.

Para asistir á actuación prégase reservar con antelación no teléfono 678 50 52 19