O autor, compositor, intérprete e multi-instrumentista angoleño, Alberto
Mvundi, que vén de pasar polo Círculo Saviñao este pasado mes de agosto, volve a estas terras para ofrecer un concerto na Cantina de Meán.

Na actuación, Mvundi e os seus acompañantes, Margarinha M. –baixo e voz–, Gael Alberto –batería– e Xela Maxinde –percusións– ofrecerán un repertorio centrado en ritmos africanos de raíz angoleña.

A xerencia do local aconsella reservar con antelación para cear –antes do sábado 11 día do concerto– e lembra que o concerto empezará ás 20:30 horas.