HomeCulturaDreaming Juliet este xoves no Multiusos de Monforte

Dreaming Juliet este xoves no Multiusos de Monforte

A programación da Rede Galega de Teatros e Auditorios continua en Monforte de Lemos este xoves, 4 de novembro, ás 20:15 horas no Edificio Multiusos coa posta en escena da terceira obra correspondente a este ciclo, Dreaming Juliet da compañía Elefante Elegante

Publicado o

POR
Redacción
- Advertisement -

Dreaming Juliet é unha obra composta por Gonçalo Guerreiro, adaptada por María Torres e Gonçalo Guerreiro e protagonizada por María Torres, Gonçalo Guerreiro, Marta Alonso, Nacho Martín e Mighelón Paz.

O espectáculo inspírase na peza “Romeo e Xulieta” de W. Shakespeare para abordar a cuestión máis esencial da existencia humana: o amor. A paixón, a familia e a maternidade son os temas intrínsecos da obra e o teatro físico e visual a ferramenta da creación.

Dreaming Juliet pretende reflexionar sobre o futuro de Romeo e Xulieta no caso en que non tivesen morto. Que lle acontecería ó seu profundo amor se acabasen formando familia e tivesen que enfrontar a rutina de tódolos días?.

A seguinte obra do ciclo de teatro para adultos será O charco de Ulíses do Centro Dramático Galego que terá lugar o xoves, 18 de novembro, no Edificio Multiusos ás 20:15 h, sendo o prezo da entrada xeral de cinco euros e de tres euros para estudantes, desempregados e xubilados.

ÚLTIMAS

O folión de carros a ollos da infancia de Chantada

O próximo 24 de agosto celebrarase en Chantada o Folión de Carros, como é...

Torneo-Festa deportiva fin de tempada do C.V. Ribeira Sacra

Celebrouse unha xornada de confraternidade da familia do C.V. Ribeira Sacra, na que se...

O BNG e a ANPA do CPI Poeta Uxío Novoneyra demandan solucións á estrada LU-651

O BNG asegura que nestes días volveu caer parte desta estrada, e como solución...

Prazo aberto para solicitar as axudas para a creación de novas casas do maior

Como novidade, esta nova convocatoria inclúe unha axuda complementaria de 150 euros semanais durante...