O concello de Monforte pecha a programación cultural de agosto cun novo concerto na Praza da Compañía. O músico e cantante galego Roi Casal presentará a partir das 22.30 do venres 31, o seu disco Son Galego, Son Cubano. Este traballo estreouse no Gran Teatro de La Habana no 2016, trátase dun proxecto por encargo do Instituto Cubano de la Música para poñer en valor os lazos de unión entre as dúas culturas. A cita está organizada polo concello de Monforte e conta co patrocinio da Deputación Provincial.
Xa o sábado 1 de setembro, Monforte celebra o XIX Festival de Habaneras. Actuarán:
- Agrupación Coral San Antonio de Gijón
- Agrupación C.I.T. San Cibrao
- Coral Polifónica Concello de Monforte
A cita será como ven sendo habitual na Praza de España a partir das 20.00 h.
Coas mesmas edicións que o Festival de Habaneras, Sober celebra este venres día 31, o seu Baile á Luz da Lúa. Este venres a partir das 22.00 na Praza do Toural. Trátase dun concurso de baile, organizado polo Concello de Sober, no que a música corre por conta da Banda de Música de Sober. Haberá premios para as mellores parellas.
