InicioCulturaCita coa poesía en Quiroga

Cita coa poesía en Quiroga

Este sábado 1 de setembro ten lugar o XX Encontro de Poetas no Val de Quiroga na Casa da Cultura desta localidade.

Publicado o

- Advertisement -

No certame deste ano coinciden 31 poetas de Galicia e de Castela e León, comunidade veciña que sempre aporta importante participación ao evento. Sen ir máis lonxe, o condutor do acto será Emilio Vega, poeta berciano, e o pregoeiro Manuel Blanco Pacios, coñecido escritor de Ponferrada e gañador do premio nacional “Círculo Rojo” á mellor novela histórica no ano 2017.

O evento, organizado polo concello de Quiroga, será no Salón de Actos Ánxel Fole da Casa da Cultura de Quiroga ás 19:30 h. e busca poñer en valor e fomentar o interese pola lírica como xénero literario. Participan poetas e poetisas con experiencia e obra publicada pero tamén afeccionadas/os con inquietude pola poesía que buscan expresarse e coñecer a outros autores. Poden asistir de público todos aqueles que estean interesados e non se cobra entrada para acceder ao mesmo.

O recital poético, no que todos os inscritos terán a oportunidade de recitar algunha das súas obras, terá acompañamento musical a cargo do cantautor Javier Rodríguez Sotuela e o dúo monfortino Yoton, con Yoan Grudikov ao violín e Antoeneta Grudeva ao piano.

Ao final do acto, todos os participantes recibirán un diploma e unha medalla de recordo e serán obsequiados cunha cea nun establecemento da localidade.

Dende hai anos, o monfortino Germán López Quiroga é un dos colaboradores que se encarga, xunto con Emilio Vega, da programación do encontro poético.

ÚLTIMAS

34 candidaturas para a Gala do Deporte de Monforte

O pasado 29 de marzo remataba o prazo para inscribirse na convocatoria, foron 34...

Comezan as obras da residencia da Pobra do Brollón

A empresa Construcciones Castro Figueiró S.L.U. é a encargada de acometer os traballos, que...

70.000€ para a drenaxe da vía LU-P-5702 ao seu paso polo Rego de Monelo, en Sarria

As obras executaranse á altura do Rego de Monelo, en San Vicente de Froián,...

Unha nova vida para Donelle, a aldea de Sober mercada pola cooperativa Ecooo

A Donelle, unha aldea deshabitada do Concello de Sober dende hai varias décadas, preséntaselle...