Esta comedia, dirixida a todos os públicos, é, por encima de todo, unha crítica a moitos fenómenos sociais, onde o espectador se sentirá reflectido en diversas situacións e momentos. Na  obra móstrase o papel dos celos na parella, ou como ser encantador en exceso pode rematar en divorcio. Tamén amosa como actúan uns pais con seu primeiro fillo na casa. Non faltarán consellos para vencer a monotonía na parella, e unha mostra de como as mulleres e os homes finxen ser o que en realidade no son para namorar aos que desexan.

Os protagonistas, tanto Emma Ozores como Rubén Torres, son máis que coñecidos non só no teatro, se non polas súas numerosas aparicións en series televisivas. El último que apague la luz, premio nacional 2010 á mellor comedia e premio á mellor comedia no festival internacional de Edimburgo, estreouse en Barcelona no teatro Apolo, onde estivo oito meses en cartel; en Madrid estivo once meses en cartel no Novo teatro Alcalá, chegando a permanecer en carteleira máis de cinco anos.

A obra poderá verse no Auditorio Municipal de Quiroga, a partir das 18:00 horas. Ata o 3 de decembro as entradas están á venda na Casa da Cultura de Quiroga, a un prezo de 14 euros, e a 16 euros en taquilla o mesmo día da función ata unha hora antes.